الاثنين 20 فبراير 2017 - 21:01

رثاء في فقيد الامة العربية والاسلامية ملك القلوب عبدالله بن عبدالعزيز آل سعود

الشاعر حماد محمد العجمي: راح الزعيم البطل وزلزل قلبي

” رثاء في فقيد الامة العربية والاسلامية ملك القلوب راعي المواقف الجليلة والعظيمة” سيدي ومولاي خادم البيتين الشريفين..
والدي ووالد كافة الشعوب الاسلامية والعربية .. الانسان المتواضع الشريف النظيف العفيف.. عبدالله بن عبدالعزيز آل سعود.. الله يرحمه ويغفرله ويغمده في جنة الخلد ..

راح الزعيم البطل وزلزل قلبي……

عبدالله اللي على الدين ممشاه..
ملك جميع الناس تعرف مباديه..

ملك يروم المجد من فعل يمناه..
الكل يشهد بالثناء عند طاريه..

لو قلت ابسلى نقض القلب طرياه.
طيب ابومتعب من فعله وماضيه..

ياعل قبر ضم جسمه وغطاه..
ينشر عليه الوسم يمطر ويسقيه..

والروض ينبت في جوانب زواياه..
احب هاك القبر من حب راعيه..

كم من يتيم يرسم الضحك بشفاه..
يضحك زمانه والليالي تصافيه..

وكم من كفيف شال همه وواساه..
تعثرت دنياه والهم طاويه..

مثل السحاب لاوطا القاع واسقاه.
يزهي ربيعه والنواوير تكسيه..

لو مات تبقى ياجماعة سجاياه..
كل العلوم الطيبة تجتمع فيه..

المرجلة والجود سلمه ومبداه..
رايه سداد ومنهج الحق يمشيه..

وأنا احمد الله باقي طيب ذكراه..
المجد يعلى والرجاجيل تبنيه..

خلف رجال بالوفا تمشي خطاه..
الكل منهم بالكرم دون عانيه..

اللابة اللي نالوا المجد لأقصاه..
عسر ولا كل رقى في معاليه..

انتم ليوث وانتم العز والجاه..
وانتم مقاديم السعد في خطاويه..

انتم معادنكم حرار منقاه..
والحر يمضي يوم الايام تدعيه..

ياالله عسى ملك نشيتوا بمرباه..
بالخير والاحسان والجود يجزيه..

ياالله يااللي صان يونس ونجاه..
في غبة الامواج والحوت كاميه..

ياواحد كل الملا ترجي رضاه..
رب كريم والمخاليق ترجيه..

ياالله عسى الجنة مقره ومثواه..
في جنة الفردوس عند واليه..

والخاتمة صلوا على من رضيناه..
نبينا اللي منهج الحق يمضيه..

” الشاعر حماد محمد العجمي”

ترسل إلى الشبكات الاجتماعية

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *