الجمعة 31 مارس 2017 - 03:29

من زماااان مارحت سوق السمك!!!

من زماااان مارحت سوق السمك!!!
الجو تعدل وعجيب .. قررت اروح واستمتع بالمنظر

دخلت .. والا لقيته عفسه وصراخ “الكل يصرح/ يصرخ”!!وسچاچين تتطاير وعظام محذفه!!

رحت حق “الريس الأول” هامور عود ، دعله ، لحمه يبّر وفهاميته علي قده!
سألته: أشصاير؟!

رد علي وهو متّكي : أبد سلامتك بس كان “سوق لايهّش ولاينّش”!
والأوادم زعلانه علي أرتفاع الأسعار!

رديت عليه: وأنت أشسويت كحل مقدم من عندك يالله من فضلك؟!

رد وبنفس البرود:” كلمت “السوق الدولي” يعطينا حلول! لأن الضيم اللي عندي يقولون أن السچين واصله العظم!

يمّه كان قاعد “فسكر”.. مزهلق وملون چنه صج؟! وواضح أن فسكر أبليس!
يشيش ريس السوق
ويتحكم “بالسمك كله”!! “وميكروفون السوق”!!

سألت هالمتفصحن الفسكر: أشفيهم فجأه السمك يهددون ويوعدون بأستجواب ريس السوق ؟! أشصاير؟!
أكو كم “بزيميه” قاعده تهدد .. عشتووو؟!

الشاهد… ماعجبني ولاأقنعني رده.. قلت ماكو الا أوديكم البيت وتدخلون فرني الطوبي وتعرفون أن الله حق!

رجعت بالسياره علي أنغام وصوت الرائع محمد المسباح يصدح “تمون أنت تمون “!
عاد الحين “الفسكر” بيطرش لي كم “حاقول” يصرح ويسب!

عادي!! ولاهموني!!
المهم دخلتكم الفرن الطوبي
حاااااامي “وساخن“!

ترسل إلى الشبكات الاجتماعية

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *